Oliy Majlis Senati delegatsiyasi Xitoy Xalq Respublikasiga amalga oshirilgan tashrif doirasida mamlakat parlamenti faoliyati, qonunchilik jarayonlari hamda davlat boshqaruvi sohasidagi ilg‘or tajribalar bilan yaqindan tanishdi.
Uchrashuvlarda parlamentlararo hamkorlikni yanada rivojlantirish, qonun ijodkorligi, raqamlashtirish, hududlarni rivojlantirish va ijtimoiy-iqtisodiy islohotlarni qo‘llab-quvvatlash masalalari muhokama qilindi.
Shuningdek, delegatsiya Xitoyning parlament tizimi, zamonaviy boshqaruv mexanizmlari hamda fuqarolar manfaatlarini ta’minlashga qaratilgan amaliy tajribalarni o‘rgandi. Tomonlar o‘zaro manfaatli hamkorlikni mustahkamlash, tajriba almashish va parlamentlararo muloqotni izchil davom ettirishga tayyor ekanini ta’kidladi.
Mazkur tashrif O‘zbekiston va Xitoy o‘rtasidagi strategik sheriklikni yanada rivojlantirish, parlament diplomatiyasini mustahkamlash hamda ikki mamlakat o‘rtasidagi ko‘p qirrali hamkorlikni yangi bosqichga olib chiqishga xizmat qilishi qayd etildi.
